رێژەی گەشتیاری لەجیهان بەشێوەیەکی بەرچاو دابەزیوە

SNN-

رێکخراوی گەشتیاریی جیهانی ئاشکرایدەکات “رێژەی گشتی و ژمارەی گەشتیار لەجیهاندا دابەزینی بەرچاوی بەخۆوە بینیوە و بەبەراورد بەساڵی پار وەک ئەمڕۆ، 97٪ دابەزیوە”.

لەبەیاننامەیەکی رێکخراوەکەدا هاتووە “لەمانگی ئازاری رابردوودا 55٪ رێژەی هاموشۆی گەشتیار بەجیهاندا کەمیکردووە، بەڵام لەمانگی نیسانی رابردوو ئەو رێژەیە بۆ 97٪ دابەزیوە”.

رێکخراوە گەشتیارییەکە دەشڵێت: “ژمارەی گەشتیاری جیهانیی بۆ 180 ملیۆن گەشتیار کەمبۆتەوە بەبەراورد بەساڵی رابردوو زیانی 195 ملیۆن دۆلاری لەو کەرتە داوە”.

داتاکانی ئەو رێکخراوە دەڵێت: “ناوچەکانی ئاسیا و ئۆقیانوسی هێمن لەپلەی یەکەمدا دێن کە ئەو زیانە داراییەیان بەردەکەوێت کە 51٪ە”.

وڵاتانی ئەوروپاش بەهەمانشێوە زەرەرمەندن بەڕێژەی 44٪ هاوکات رۆژهەڵاتی ناوەڕاستیش تووشی زیان بووە بە ڕێژەی 40٪ و ئەمریکا بەڕێژەی 36٪ و پاشان ئەفریقا کەمترین زیانی بەرکەوتووە بەڕێژەی 35٪.

هاوکات رێکخراوەکە پێشبینیدەکات لەساڵی 2020 دا بەڕێژەی 50٪ بۆ 55٪ زیانی کەرتی گەشتیاریی روو بدات لەجیهاندا.