ئەمریکا 10 ملیۆن دۆلار بەو کەسە دەدات (حاجی عەبدوڵا)ی بداتێ
وێنەی حاجی عەبدوڵا
SNN
وەزارەتی بەرگری ئەمریکا بڕی 10 ملیۆن دۆلاری بۆ ئەو کەسە دیاریکرد کە شوێنی گەورە تیرۆرست حاجی عەبدوڵایان بۆ ئاشکرا دەکات کە لەکاتی ئێستادا وەک خەلیفەی داعش دەستنیشانکراوە.
ئەم پرۆژەیەی وەزارەتی بەرگری ئەمریکا ناوی (پاداشت لە پێناو یاسا)دایە کە تێیدا داوا دەکات شوێنی خەلیفەی نوێی داعشیان بۆ ئاشکرا بکات بەناوی حاجی عەبدوڵا کە چەندین تاوانی کۆمەڵکوژی و تیرۆرستی لە عێراقدا ئەنجامداوە، لە راگەیەندراوەکەی وەزارەتی بەرگری ئەمریکادا هاتووە، کە ئەوان بەردەوامدەبن لە راوەدوونانی تیرۆر لە عێراق، و بەردەوام هاوکاری دارایی ئەو کەسانە دەکەن کە شوێنی سەرانی داعشیان پێدەڵێن.
