عێراق داوای کاراکردنی لیژنەی گۆڕینەوەی زانیاریی لەسەر تیرۆریستان دەکات
IPTC Photo Metadata.
SNN-
هەریەک لەحکومەتی عێراق و کۆماری ئیسلامیی ئێران داوا دەکەن لیژنەی چوارقۆڵیی (عێراق و رووسیا و ئێران و سوریا) کارا بکرێتەوە کە کاریان گۆڕینەوەی زانیارییە لەبواری نەهێشتنی تیرۆردا.
میدیا عێراقییەکان بڵاویانکردۆتەوە، لەمیانی پێشوازیکردن لە مستەفا مورادیان پاشکۆی سەربازیی ئێران لەبەغدا، جومعە عیناد وەزیری بەرگری عێراق تاوتوێی ئەم باسەی لەگەڵ کردووە.
لیژنەی چوارقۆڵیی نێوان ئەو چوار وڵاتەی سەرەوە مانگی سێپتەمبەری ساڵی 2015 پێکهێنراوە و مەبەست لێی، ئاڵوگۆڕی زانیاری و هەماهەمگی و پلاندانانە بۆ نەهێشتن و قەڵاچۆکردنی چەکدارانی داعش، زۆرینەی کۆبوونەوەکانیشی لەشاری بەغدا ساز دەکات.
