بەهۆی کێشەیەکەوە، ئەمڕۆ مووچەی وەزارەتی پێشمەرگە دابەشنەکرا

SNN- هەولێر

بەپێی خشتەی وەزارەتی دارایی و ئابووری هەرێم دەبوایە ئەمڕۆ یەکشەممە 28ی حوزەیران، مووچەی وەزارەتی پێشمەرگە دابەشکرێت، بەڵام بەهۆی کێشەیەکی هونەرییەوە مووچەی ئەو وەزارەتە دابەشنەکرا.

سەرچاوەیەک لە وەزارەتی پێشمەرگە بە SNNی راگەیاند: “بەهۆی ئەوەی پێشتر لیستی لێبڕینی مووچەیان ئامادە نەکردبوو، ئەمڕۆ مووچەی وەزارەتی پێشمەرگە دابەشنەکرا”.

سەرچاوەکە وتیشی: “کێشەکە چارەسەر دەکەین و سبەی مووچە دابەشدەکەین”، ئەوەش لە کاتێکدایە بەپێی بڕیاری ئەنجومەنی وەزیران لەگەڵ دابەشکردنی مووچەی مانگی شوباتی 2020 لە %50 لە پلە تایبەت و لە %21 لە خوار پلە1 لە مووچەکانیان دەبڕدرێت، بەم پێیەش دەبێت سەرجەم وەزارەتەکان لیستێکی تازە ئامادە بکەن کە رێژەی بڕینی مووچەی تێدا دیاری کرابێت.