یەکێتی و کۆمەڵی ئیسلامی لە هەولێر کۆدەبنەوە
SNN-هەوراز ئەحمەد
دوانیوەڕۆی ئەمڕۆ شاندێکی یەکێتی بە سەرۆکایەتی بافڵ تاڵەبانی هاوسەرۆکی یەکێتی لەگەڵ کۆمەڵی ئیسلامی کۆدەبێتەوە.
بێستوون سابوراوای ئەندامی سەرکردایەتی یەکێتیی نیشتمانیی کوردستان بە SNNی راگەیاند: یەکێتی بە سەرۆکایەتی بافڵ تاڵەبانی زنجیرەیەک کۆبوونەوەی لەگەڵ لایەنە سیاسییەکان دەستپێکردووە بە ئامانجی یەکڕیزی و پاراستنی قەوارەی سیاسی هەرێم.
وتیشی: لەو چوارچێوەیەدا کاتژمێر سێی دوانیوەڕۆی ئەمڕۆ یەکێتی لە بارەگای کۆمەڵ لە شاری هەولێر لەگەڵ شاندێکی باڵای ئەو حزبە کۆدەبێتەوە.
پێشتر شاندێکی یەکێتی لەگەڵ یەکگرتوو کۆبووەوە و بڕیاریشە لە دوو رۆژی داهاتوودا لەگەڵ بزوتنەوەی گۆڕان کۆبوونەوەیەک ئەنجام بدەن.
