یەکێتی و کۆمەڵی ئیسلامی کۆبوونەوە
SNN
دوانیوەڕۆی ئەمڕۆ شاندێکی یەکێتیی نیشتمانیی کوردستان بە سەرۆکایەتی بافڵ تاڵەبانی ھاوسەرۆکی یەکێتی لەگەڵ شاندێکی کۆمەڵی ئیسلامی بە سەرۆکایەتی عەلی باپیر ئەمیری کۆمەڵی ئیسلامی کۆبوونەوە و تاوتوێی دوایین پێشهاتەکان دەکەن.
بە گوێرەی ئەو زانیارییانەی دەست SNN کەوتوون، لە کۆبوونەوەکەدا تاوتوێی پێشهاتە سیاسی و سەربازیی و ئابوورییەکانی هەرێم و عێراق و ناوچەکە دەکرێت.
شاندی باڵای یەکێتی بە سەرۆکایەتی بافڵ تاڵەبانی، پێکهاتوون لە دەرباز کۆسرەت رەسوڵ کارگێڕی مەکتەبی سیاسی، د.سۆران جەمال تاھیر ئەندامی مەکتەبی سیاسی، ئاراس شێخ جەنگی ئەندامی سەرکردایەتی.
بەپێی زانیارییەکان دوای ئەو گۆڕانکارییانەی ھاتوونەتە پێش یەکێتی دەیەوێت بە ھەماھەنگی لەگەڵ لایەنە سیاسییەکان دەرچەیەک بدۆزرێتەوە بۆ دەربازبوون لەو بارودۆخەی دوچاری هەرێمی کوردستان بووە.
ئەمە لەکاتێکدایە پێشتر یەکێتی لەگەڵ یەکگرتوو کۆبووەوە و بڕیاریشە لە دوو رۆژی داهاتوودا کۆبوونەوەیەک لەگەڵ بزوتنەوەی گۆڕان ئەنجام بدات.
