ژمارەی قوربانیانی تەقینەوەکەی تاران بۆ 19 کەس بەرز بووەوە

SNN-

بەپێی ئەو ئامارانەی میدیای ئێران بڵاویانکردۆتەوە، ژمارەی کوژراوانی تەقینەوەی ناو بنکە تەندروستییەکەی تارانی پایتەختی ئێران بۆ 19 کەس بەرز بووەوە.

تەلەڤزیۆنی رەسمی ئێران بڵاویکردەوە کە ژمارەی کوژراوانی بنکەی تەندروستی سینا لە شەقامی شەریعەتی شاری تاران بۆ 19 کەس بەرزبووەتەوە کە لەنێویاندا 15 ژن و 4 پیاو هەیە.

شەوی رابردوو له‌ باكووری تارانی پایته‌ختی ئێران تەقینەوەیەک روویدا و بەپێی لێکۆڵینەوەکان بتڵی غاز و ئۆکسجینی ناو بنکە تەندروستییەکە تەقیونەتەوە.