کۆبوونەوەی وەفدی باڵای یەکێتی و گۆڕان دەستیپێکرد

SNN

ئەمڕۆ چوارشەممە 1 تەمموز شاندی باڵای یەكێتیی بە سەرۆكایەتی (لاهور شێخ جەنگی) هاوسەرۆكی یەكێتیی، گەیشتە مەكۆی سەرەكی بزوتنەوەی گۆڕان لە سلێمانی و كۆبوونەوەکەیان لەگەڵ عومەر سەید عەلی رێكخەری گشتی گۆڕان و ئەندامانی خانەی راپەڕاندن دەستپێكرد.

میدیای فەرمی گۆڕان بڵاویكردبووەوە كەپرسی ژیان و گوزەرانی هاووڵاتییان و مووچەخۆران، پەیوەندییەکانی هەردوولا، باشترکردنی پەیوەندی سیاسی نێوان لایەنەکان، چاکسازی و ئاڵنگارییەکانی بەردەم هەرێم و رێککەوتنی حکومەتی خۆجێی سلێمانی بابەتی گفتوگۆی سەردانەکە دەبن.

لە ماوەی رۆژانی رابردوودا جموجۆڵێكی سیاسی بە مەبەستی چارەسەركردنی كێشە ناوخۆییەكانی هەرێمی كوردستان دەستیپێكردووە و لەو چوارچێوەیەشدا شاندنی باڵای یەكێتی سەردانی یەكگرتوو، كۆمەڵ، سۆشیالستی كرد و گۆڕانیش لەگەڵ كۆمەڵی ئیسلامی و پارتی دیموکراتی کوردستان كۆبووەوە.