رێژەی هەژاری لە عێراق بە شێوەیەکی بەرچاو بەرزبووەتەوە

SNN

وەزیری کارو کاروباری کۆمەڵایەتی عێراق رایگەیاند: بەهۆی بڵاوبوونەوەی ڤایرۆسی کۆرۆنا و دابەزینی نرخی نەوتەوە رێژەی بێکاری لە عێراق لە %22 وە بەرزبووەتەوە بۆ %34 کە ئەمە رێژەیەکی زۆرە لە ماوەیەکی کەمدا.

عادل ئەلروكابی ئاماژەی بەوەشکردووە، “دوای بڵاوبوونەوەی كۆرۆنا لە هەموو جیهان و دابەزینی نرخی نەوت لەسەر ئاستی وڵاتان ، كارەكە بەپێچەوانەبوویەوە و رێژەی هەژاری لە عێراق زیاتری كرد”.

وتیشی” رێژەی هەژاری لە وڵاتەكەمان لە (22%) بۆ (34%) زیادی كردووە ، هۆكارەكانیشی بۆ بابەتی تەندروستی و ئابووری دەگەرێتەوە”.

روكابی لە کۆتایی قسەکانیدا دەڵێت: وەزارەتەكەمان دەیەوێت بەهاوكاری لەگەڵ لایەنە نێودەوڵەتییەكان ئەم قەیرانە تێپەڕێنێت و دەرفەتی زیاتری كار بۆ گەنجان بڕەخسێنێت و رێژەی هەژاری كەم بكاتەوە.