هۆشداری لەبارەی پیلانێکی مەترسیداری داعش دەدرێت

SNN-عیماد جەباری

بەرپرسێکی ئەمنی هۆشداری دەداتە خەڵکی کەرکوک و ناوچەکانی دیکە سەبارەت بە “پیلانێکی مەترسیداری داعش” کە تیایدا خەڵکی بێتاوان دەکرێتە ئامانج.

حەسەن سافی بەرپرسی هەواڵگری لیوای 56ی حەشدی شەعبی بە SNNی راگەیاند: چەکدارانی داعش پیلانیان هەیە لە رێگەی بۆمبڕێژکردنی جزدانی پارەوە خەڵکی بێتاوان شەهید بکەن.

وتیشی: “بەپێی زانیارییە هەواڵگرییەکان داعش دەیەوێت ئەو کارە لە حەویجە و ناوچەکانی دیکە بکات بۆیە هۆشداری دەدەینە هاووڵاتیان کە ئاگاداربن لە دۆزینەوەی جزدانی پارە و دەستبەجێ هێزە ئەمنییەکان ئاگاداربکەنەوە”.

لە ماوەی رابردوودا شانە نوستووەکانی داعش لە چەند ناوچەیەکی عێراق، بەتایبەت لە ناوچە جێناکۆکەکان هێرش و کردەوەی تیرۆرستییان زیادکردووە.

ئەمریکاش لە راپۆرتی ساڵانەی خۆیدا رایگەیاندووە: “داعش لە هەوڵی سەرهەڵدانەوە و کۆکردنەوەی پشتیوانیدایە”.