تەقینەوەیەک لە تورکیا دەیان قوربانی لێکەوتەوە

SNN

بەهۆی روودانی تەقینەوەیەک لە کارگەیەکی یاریی ئاگرین لە شاری ساکاریا لە تورکیا دوو کەس گیانیان لەدەستدا و 73 کەسی دیکە برینداربوون.

فەخرەدین کۆجا وەزیری تەندروستی تورکیا بە میدیاکانی تورکیای راگەیاندووە: “لە تەقینەوەی کارگەکەی ساکاریادا دوو کەس گیانیان لەدەستداوە و 73 کەس برینداربوون، 85 ئۆتۆمبێلی ئامبوڵانس و دوو کۆپتەری ئەمبوڵانس نێردراونەتە شوێنی رووداوەکە”.

تا ئێستا هۆکاری تەقینەوەکە نازانرێت، ژماره‌یه‌ك لە تیمی ته‌ندروستی و ئاگركوژێنه‌وه‌ ره‌وانه‌ی شوێنی رووداوه‌كه‌ كراون.