ترەمپ مژدەی کۆتایی هاتنی کۆرۆنا دەدات پێش هاتنی ساڵی نوێ

SNN

لە کاتێکدا وڵاتانی جیهان بەوردی سەرقاڵی دۆزینەوەی ڤاکسینێکن بۆ ڤایرۆسی کۆرۆنا و هەوڵەکانیان چڕکردۆتەوە، دۆناڵد ترەمپ مژدەی کۆتایی هاتنی ڤایرۆسی کۆرۆنا بە هەموان دەدات پێش هاتنی ساڵی نوێی.

لە لێدوانێکی کۆشکی سپیدا ترەمپ ئاماژەی بەوەکرد کەئەمریکا پێش هاتنی ساڵی نوێی ڤاکسینی کۆرۆنا دەدۆزێتەوە، لەلێدوانەکەشیدا دووبارە هێرش دەکاتەوە سەر وڵاتی چین و دەڵێت دەبێت سزا بدرێت چونکە ئەوان بوونە هۆکاری بڵاوبوونەوەی ڤایرۆسی کۆرۆنا.

ترەمپ لە درێژەی قسەکانیدا ئاماژەی بەوەکرد کەکەرتی پزیشکی کۆشکی سپی راپۆرتی مانگانەی خۆیان پێبەخشیوەو تێیدا ئاماژەیان بەوە کردووە کە پێش کۆتایی هاتنی 2020 ڤاکسینی کۆرۆنا دەدۆزرێتەوە.

تا کاتی ئامادەکردنی ئەم بابەتە لە ئەمریکا 2,964,797 کەس تووشی کۆرۆنا بوون و لەو ژمارەیە 132,473 کەس کۆچی دوایی کردووە، بەمەش ویلایەتە یەکگرتووەکانی ئەمریکا لەپلەی یەکەمدا دێت لەڕووی تووشبوون بەڤایرۆسی کۆرۆنا و هەروەها گیانلەدەستدانیش.