ههرێمى كوردستان ژمارهیهكى پێوانهیی له تووشبوون به كۆرۆنا تۆمار كرد
تاقیگهیهكى پشكنینى كۆرۆنا له سلێمانى | فۆتۆ: ههوراز ئهحمهد / SNN
كهمێك لهمهوبهر وهزارهتى تهندروستیی ههرێم ئامارى 24 كاتژمێرى رابردووى بڵاوكردهوه و رایگهیاند: 495 كهسى تر تووشى كۆرۆنا بوون، 79 تووشبوو چاكبوونهوه و ههشت تووشبوو گیانیان لهدهستدا.
له بهیاننامهیهكدا كه كهمێك لهمهوبهر بڵاوكراوهتهوه وهزارهتى تهندروستیی ههرێم ئاشكرایكردووه، ” له كۆى 2 ههزار و 334 پشكنینى نوێ كه لهماوهى شهوڕۆژى رابردوودا ئهنجامدراون دهركهوتووه: 459 كهسى تر تووشى كۆرۆنا بوون بهمشێوهیه: 168 هەولێر، 177 سلێمانی، 59 گهرمیان، 39 ڕاپهڕین، نۆ ههڵهبجه و 25 دهۆك”.
لهبارهى حاڵهتهكانى مردنهوه وهزارهتى تهندروستى ئهوهشى خستووهتهڕوو: “ههشت تووشبوو گیانیان لهدهستداوه بهمشێوهیه: یهك تووشبوو له هەولێر، پێنج تووشبوو له سلێمانى و دوو تووشبوو له گهرمیان”.
وهزارهتى تهندروستى لهبارهى ئامارى چاكبوونهوه له بهیاننامهكهیدا ئاماژهى بهوهشكردووه، “79 تووشبوو چاكبوونهتهوه بهمشێوهیه: 65 كهس له هەولێر، شهش كهس له گهرمیان، چوار كهس له دهۆك، چوار كهس له ههڵهبجه”.
بهپێى ئامارهكان له سهرهتاى بڵاوبوونهوهى ڤایرۆسى كۆرۆنا تاوهكو ئێستا 8 ههزار و 134 كهس له ههرێمى كوردستان تووشى ئهو ڤایرۆسه بوون، 2 ههزار و 868 تووشبوو چاكبوونهتهوه، 271 تووشبوو گیانیان لهدهستداوه و له ئێستاشدا 4 ههزار و 995 تووشبوو چارهسهر وهردهگرن.
