لەپشدەر مێردمنداڵێک بەهۆی ئەسپێکەوە گیانیلەدەستدا
SNN-محەمەد مستەفا
ئەمڕۆ چوارشەممە 15ی تەمموز، لە گوندێکی قەزای پشدەر مێردمنداڵێک بەهۆی راکێشانی لەلایەن ئەسپێکەوە گیانیلەدەستدا .
شۆڕش ئیسماعیل وتەبێژی پۆلیسی راپەڕین بە SNNی راگەیاند: ئەمڕۆ چوارشەممە تەرمی کوڕێکی مێردمنداڵ کەتەمەنی 11 ساڵانە، گەیەنراوەتە نەخۆشخانەی گشتی قەڵادزێ، قوربانییەکە دانیشتووی گوندی (سپێرۆ)یە لە ناحیەی ژاراوەی قەزای پشدەر.
وتیشی” بەوتەی کەسوکاری قوربانییەکە رووداوەکە لە کاتێکدا بووە کە ئەو مێردمنداڵە ویستوویەتی ئەسپەکەیان رابکێشێت، بەڵام دواتر بەهۆی گیربوونی گوریسی ئەسپەکە لە دەستی ئەو مێرمنداڵە ئەسپەکە ئەوی راکێشاوە بە دوای خۆیدا “.
باسی لەوەشکرد: بەهۆی کاریگەر و هێزی راکێشانی ئەسپەکەوە مێردمنداڵەکە دوای ماوەیەکی کەم لە رووداوەکە گیانیلەدەست داوە.
