هەولێر “تەرمی گەنجێک بەکوژاری دۆزرایەوە”

SNNـ مەودامستەفا

پاشنیوەڕۆی ئەمڕۆ تەرمی گەنجێک لە یەکێک لە خانووە گەشتیارییەکانی ھاوینەھەواری بێخاڵ لەسنووری پارێزگای هەولێر دۆزرایەوە، ئاسەواری چەند گولـلەیەك بەسەر جەستەیەوە دیارە.

شەماڵ دێواری، وتەبێژی پۆلیسی سۆران بەSNNی راگەیاند “پاشنیوەرۆی ئەمڕۆ تەرمی گەنجێک گەیەندرایە بەشی فریاکەوتنی نەخۆشخانەی ئاشتی سۆران و شوێنەواری چەند گولـلەیەك بەجەستەیەوە دیاربوو، بۆیە رادەستی پزیشکی دادی سۆرانمان کردووە”.

وتیشی: “ئەو گەنجە خێزاندارەو ناوی ئەسوەد غازی فەقێ محەمەدە، لەدایکبووی ساڵی 1986 و دانیشتووی شارەدێی خەلیفانە”.

ئەوەشی خستەڕوو “بەتۆمەتی کوشتنی ئەو گەنجە سێ کەس دەستگیركراون، كە دوو پیاو و ئافرەتێكن، پەڕاوی لێکۆڵینەوە بۆ تاوانەکە کراوەتەوە”.