هاوپهیمانى نێودهوڵهتى: چالاكییهكانى توركیا له سوریا دهرخهرى ویستى فراوانخوازى ئهو وڵاتهیه
جهنهراڵ كێنس ئیكمان له هاوپهیمانى نێودهوڵهتى دژى داعش
SNN
ئهمڕۆ چوارشهممه هاوپهیمانى نێودهوڵهتى دژى داعش رایگهیاند: چالاكییهكانى داعش له سوریا تا دوا ئاست كهمبوونهتهوه، ئاشكراشیكرد: رێگهنادهین توركیا هێرش بكاته سهر هاوپهیمانهكانمان له باكوورى سوریا.
كهمێك لهمهوبهر جهنهراڵ كێنس ئیكمان له هاوپهیمانى نێودهوڵهتى دژى داعش له كۆنگرهیهكى رۆژنامهوانى ئۆنڵایندا له پێنتاگۆنهوه دواین بهرهوپێشچوونهكانى شهڕى دژى داعش و دۆخى سوریاى باسكرد و وتى: “چالاكییهكانى داعش تاوهكو دوا ئاست كهمبوونهتهوه له ئێستادا لهوپهڕى لاوازى خۆیدایه”.
لهبارهى دۆخى سوریا و چالاكییهكانى توركیا لهو وڵاته جهنهراڵ كێنس ئیكمان ئهوهشى خستهڕوو: “ئێمه نامانهوێت شهڕ لهگهڵ توركیا بكهین، بهڵام رێگهش نادهین توركیا هێرش بكاته سهر هاوپهیمانهكانمان له باكوورى سوریا”، كه مهبهست لێى هێزهكانى سوریاى دیموكرات بوو.
ئاماژهى بهوهشكرد: “چالاكییهكانى توركیا له باكوورى سوریا زۆرینهیان له ویستى فراوانخوازى ئهو دهوڵهتهوهیه”.
