لە 1ى ئایاردا سەندیکاى کرێکاران یاداشتێک دەداتە حکومەتى هەرێم

ئەمڕۆ هەینى 1ى ئایار ڕۆژى جیهانى کرێکاران، لقى سلێمانى سەندیکاى کرێکارانى کوردستان لە کۆنگرەیەکی ڕۆژنامەوانیدا یاداشتێکى 10 خاڵى ئاڕاستەى حکومەتى هەرێمى کوردستان کرد سەبارەت بە باشکردنى ڕەوشى ژیانى کرێکاران.

چالاک ڕەئوف سەرۆکى سەندیکاى کرێکارانى کوردستان لقى سلێمانى ڕایگەیاند “پێویستە حکومەت قەرەبووى ئەو کرێکارانە بکاتەوە کە بەهۆى ڤایرۆسى کۆرۆناوە کاریان لەدەستدا و بودجەى تایبەت تەرخانبکرێت بۆ بیمەى بێکارى”.

هاوکات داواکاربوون “هێنانى کرێکارى بیناى سنوردار بکرێت و چاودێرى زیاترى خاوەن کار و کۆمپانیاکان بکرێت بۆ دابینکردنى پێداویستییەکانى پیشەى سەلامەتى، بەگەڕخستەنەوەى پارەى پاشەکەوتى کرێکاران لە پڕۆژەى وەبەرهێنان لە خزمەتى کرێکاراندا”.

لەبارەى ڕووداوەکانى گیانلەدەستدانى کرێکاران لەکاتى کارکردندا، چالاک ڕەئوف وتى: “لەمانگى 1ى ئەمساڵەوە تاوەکو مانگى 3 کە کرێکاران کاریان کردووە، 2 کرێکار لەشارى سلێمانى بەهۆى کارەکەیانەوە گیانیان لەدەستداوە”.

#SNN_EXCLUSIVE