لە چاكسازی گەورانی هەولێر زیندانەیەکی دیکە گیانیلەدەستدا

SNN- مەودا مستەفا

بەڕێوەبەری چاكسازی گەورانی هەولێر رایدەگەێنێت: یەكێك لە زیندانیەكانمان كەمێك پێش ئێستا گیانیلەدەستدا، بەڕەگەز کوردەو ماوەی دوو مانگە لەنەخۆشخانەیە ئەمڕۆ گیانیلەدەستداوە.

هێمن فاروق، بەڕێوەبەری گشتی چاكسازای گەورانی هەولێر بە SNNی راگەیاند: ئەمڕۆ یەكێك لە زیندانییەكانمان بەهۆی نەخۆشییەوە گیانیلەدەستداوە، کە بەرەگەز کوردەو
بەپێی مادەی 406 سزادراوە لەسەر کوشتن، ئەمڕۆش بەهۆی جەڵتەی دڵ لەنەخۆشخانەی سەردەم گیانیلەدەستداوە.

لەبارەی دۆخی مانگرتوانیشەوە وتی، “ئێستادا هیچ زیندانیەک مانی نەگرتووە و دۆخی زیندانیانیش باشە و هیچ کێشەیەکیان نەماوە”.

ئەمە دووەم حاڵەتی گیانلەدەستدانە لە زینداندا لە ماوەی یەک هەفتەدا، ئەویتر کە گیانیلەدەستدا بەڕەگەز عەرەبوو، بەپێی مادەی 4ی تیرۆر زیندانی کرابوو.