” تورکیا زیاتر لە 15 هەزار چەکداری بەکرێگیراوی رەوانەی لیبیا کردووە”
بەکڕیگیراوانی تورکیا لە لیبیا
SNN
لیژنەی ئەمنی نەتەوە یەکگرتووەکان ئەمڕۆ هەینی، ئاماژەی بەوەکرد کە وڵاتی تورکیا زیاتر لە 15 هەزار چەکداری تیرۆرست و بەکرێگیراوی رەوانەی وڵاتی لیبیا کردووە تا شەڕی بۆ بکەن، لیژنەکە ئاماژەی بەوەشکرد کە لیبیا بۆتە بازاڕێکی گەرمی ساغکردنەوەی چەک لە جیهاندا.
روانگەی سوری بۆ مافەکانی مرۆڤ رایگەیاند: حکومەتی تورکیا بەردەوامە لە ناردنی بە کرێگیراوەکانی لە سوریا و ناوچەکانی دیکە بۆ وڵاتی لیبیا تا لەگەڵ چەکدارانی ویفاقدا شەڕی حکومەتی ئەو وڵاتەیان پێبکات، هەر بەپێی راپۆرتەکە 16500 هاووڵاتی سوری بەکرێگیراو کە 350 دانەیان تەمەنیان خوار 18 ساڵە رەوانەی لیبیای کردوون و زۆربەیان لە شەڕەکاندا کوژراون.
تورکیا کە ئەم منداڵ و گەنجانە دەبات ماوەی چەند هەفتە و مانگێک شەڕیان پێدەکات تا وادەکەیان تەواو دەبێت، پاشان دووبارە دەیانگەڕێنێتەوە بۆ سوریا و بڕێک پارەیان پێدەبەخشێت وەک پێشتر لەسەری رێککەوتوون، هەرچەندە نەتەوە یەکگرتووەکان و ئەمریکا و فەرەنسا چەندین جار تورکیایان لەم کارەی ئاگادار کردۆتەوە بەڵام بێ گوێدانە هیچ لایەک بەردەوامە لەم کارەی.
