کازمی: جەختدەکەینەوە لە ئەنجامدانی هەڵبژاردنی پێشوەختە

SNN-

سەرۆکوەزیرانی عێراق دەڵێت: “سەرۆکی پەرلەمانم لەوە ئاگادار کردۆتەوە کە کار بکرێت بۆ ئەنجامدانی هەڵبژاردنی پێشوەختە و ئەو ئەمانەتەش لەسەر شانم وەکخۆی جێبەجێدەکەم”.

وتیشی: “پێویستە پلانێکی وا دابڕێژین کە کێشەی کارەبا نەهێڵین و رێگەش نادەین بە هیچ شێوەیەک ئارامی و ئەو بەرنامەیەی سوێندم لەسەر خواردووە تێک بدرێت”.

ئەوەشی خستەڕوو کە حکومەتەکەی ناتوانێت باجی خراپیی ئەدای حکومەتەکانی پێشوو بدات و داواشم لە ئەنجومەنی نوێنەران کردووە راپۆرتی خۆی لەبارەی دۆخی کارەباوە پیشکەشبکات”.

راشیگەیاند “کە لەگەڵ فەرماندە ئەمنییەکاندا ئەنجومەنێکی لێکۆڵینەوەیان دروستکردووە بۆ لێپێچینەوە لە هۆکاری کوژران و بریندار بوونی خۆپیشاندەرانی شەوی رابردوو”.