لەبارەی تۆپبارانەكانەوە پەرلەمان راپۆرتێك دەداتە حكومەت
كۆبوونهوهى پهرلهمانى كوردستان | فۆتۆ: SNN
SNN – مەودا مستەفا
ئەندامانی لیژنەی ناوخۆ و ئاسایش و ئەنجوومەنە خۆجێییەكان دوای ئامادەكردنی تەواوی راسپاردەكانی ئەمڕۆ پەرلەمانی كوردستان راپۆرتێكی گشتگیر لەبارەی لەشكركێشی توركیا دەداتە حكومەتی هەرێمی كوردستان، بۆ ئەو مەبەستەش سێ لیژنەی راسپاردووە بە مەبەستی ئامادەكردنی راپۆرتەكە.
كاوە عەبدولقادر، ئەندامی لیژنەی ناوخۆ و ئاسایش و ئەنجوومەنە خۆجێییەكان لە پەرلەمانی كوردستان رایگەیاند: “ئەمڕۆ كۆبوونەوەی پەرلەمانی كوردستان لەسەر چەند تەوەرێك بەڕێوەچوو لە كۆبوونەوەكەدا دەستەی سەرۆكایەتی پەرلەمانی كوردستان ئەو لیژنانەی راسپاردەووە كە پێشووتر رایسپاردبوون كە لە داهاتوو تەواوی ئەو راسپاردانەی ئەمڕۆ لەلایەن ئەو پەرلەمانتارانەوە خرانەڕوو بكرێتە راپۆرت، دواتر دەستەی سەرۆكایەتی پەرلەمان ئەو راپۆرتە ئاراستەی حكومەتی هەرێمی كوردستانی دەكات، بە مەبەستی رێكای پێویست”.
ئەو لیژنانەی پەرلەمانی كوردستان رایسپاردن بۆ بەدواداچوونی زیانەكانی شەڕی نێوان توركیا و پارتی كرێكارانی كوردستان (پەكەكە) لە ناوچە سنوورییەكانی هەرێمی كوردستان، راپۆرتەكانیان تەواوكرد و بەپێی ناوەڕۆكی راپۆرتەكە دەركەوتووە، توركیا بە قووڵایی 15 كیلۆمەتر خاكی باشووری كوردستانی بەزاندووە و زیاتر لە 500 گوندیش لە ترسی شەڕ چۆڵكراون.
