پەرلەمانی تورکیا سزای زیندانی بۆ لادان لە تۆڕە کۆمەڵایەتییەکان پەسەند کرد

SNN

ئەمڕۆ چوارشەممە پەرلەمانی تورکیا یاسایەکی تایبەتی پەسەند کرد کە ئەویش چاودێری کردنی تۆڕە کۆمەڵایەتییەکانە لەلایەن حکومەتەوە بۆ ئەو بابەت و بڵاوکراوەنەی کە تێیدا دەڕوات.

بەپێی یاسا نوێیەکە دەبێت تۆڕە کۆمەڵایەتییەکانی تورکیا رەنگدانەوەی تورکیا و سیاسەتەکانی بێت و لادان لە یاسا و دژایەتی کردنی وڵاتەکە وا دەکات لەلایەن دادگاوە کەسەکە سزا دەدرێت و رووبەڕووی زیندانی دەکرێتەوە، بۆ ئەم مەبەستەش تورکیا دامەزراوەیەکی گەورەی یاسایی دادەنێت کە تایبەتە بە چاودێری کردنی ئەو بابەتانەی کە لە تۆڕە کۆمەڵایەتییەکانی تورکیا بڵاودەبێتەوە.

لە مانگی شوباتی ئەمساڵەوە چەندجارێک یاسای سزادان لە تۆڕە کۆمەڵایەتییەکان لە پەرلەمان تاوتوێ کرا، بەڵام بەهۆی فشاری تووندی رێکخراوەکانی مافی مرۆڤ ئەم یاسایە دوادەخرا، رەجەب تەیب ئەردۆغان بە شێوەیەکی ورد چاودێری ئەم دانیشتنانەی پەرلەمانی دەکرد، تا دواجار توانی سزای زیندانی و غەرامەکردن بۆ لادان لە تۆڕە کۆمەڵایەتییەکان پەسەند بکات.