بافڵ تاڵهبانى و کۆنسوڵی ئەمریکا تاوتوێى دۆخى سیاسى و گوزهرانى هاووڵاتییانیان كرد
بافڵ تاڵەبانی، ھاوسەرۆکی یەکێتیی نیشتمانیی کوردستان و رۆبرت واڵەر، کۆنسوڵی گشتیی ئەمریکا لە ھەرێم | فۆتۆ: SNN
SNN
لە دەباشان بافڵ تاڵەبانی، ھاوسەرۆکی یەکێتیی نیشتمانیی کوردستان چاویکەوت بە رۆبرت واڵەر، کۆنسوڵی گشتیی نوێی ئەمریکا لە ھەرێمی کوردستان لە دیدارێکدا دواین پێشھات و پەرەسەندنە سیاسی و ئابووری و ئەمنییەکان تاوتوێکران
لە میانی دیدارەکەدا بافڵ تاڵەبانی پیرۆزبایی دەستبەکاربوونی لە کۆنسوڵی گشتی نوێی ئەمریکا کرد و هیوای سەرکەوتنی لە ئەرکەکانی بۆ خواست ئاماژەی بە پێویستی ھەماھەنگی و کاری ھاوبەشی نێوان ھەردوولا کردەوە لەپێناو ئاشتی و سەقامگیری و ئاسایشی زیاتر لە ناوچەکە.
سەبارەت بە ھەرێم و پەیوەندی نێوان لایەنە سیاسییەکان بافڵ تاڵەبانی تەئکیدیکردەوە لە یەکخستنی ھەوڵەکان بۆ چارەسەرکردنی کێشەکان و گەیشتن بەلێکتێگەیشتن لەسەر بنەمای بەرژەوەندی گشتی و راشیگەیاند یەکێتیی ھەموو ھەوڵێکی روو لە چارەسەرکردنی کێشەکان و یەکخستنەوەی ماڵی کوردە لەو رووەشەوە بەرەوپێشچوونی باش ھاتۆتەئاراوە تاوهكو ھەموومان پێکەوە بەسەر ئەم دۆخەدا سەرکەوین و ژیان و گوزەرانی کۆمەڵانی خەڵک و مووچەخۆران باشتربکەین کە ئەمە لە ئەولەویەتی ئەرکەکانمانە .
لەبەرامبەردا کۆنسوڵی نوێی ئەمریکا پابەندبوونی بەردەوامی وڵاتەکەی بۆ ھەرێمی کوردستان و عێراقی فیدراڵ دووپاتکردەوە
