گرژی لە نێوان هێزەکانی کۆریای باکوور و باشووردا روویدا

سەرۆکایەتی ئەرکانی سوپای کۆریای باشوور رایگەیاند، سەرلەبەیانی ئەمڕۆ بە کاتی خۆجێی گرژی و ئاڵۆزی لە نێوان هێزەکانی پاراستنی سنوری کۆریای باکوور و باشووردا.

لە راگەیەندراوێکیدا، سەرۆکایەتی ئەرکانی سوپای کۆریای باشوور ئەوەشی خستووەتەڕوو، هێزەکانی پاسەوانی کۆریای باکوور لەسەر سنووری نێوان هەردوو وڵاتەکە تەقەیان لە هێزەکانی کۆریای باشوور کردووە و ئەوانیش وەڵامی هێرشەکەیان داوەتەوە، بەڵام هیچ کەس بریندار نەبووە.

ئەوەشی خستەڕوو، هەوڵدەدەن پەیوەندی بە سوپای کۆریای باکوورەوە بکەن تا هۆکاری روودانی ئەو گرژییە روونبێتەوە، ئەمە یەکەمجارە لە ماوەی پێنج ساڵی رابردوودا تەقەی راستەوخۆ لەلایەن هێزەکانی ئەو دوو وڵاتەوە بکرێت.