ئاگر لە بازاڕی میوەفرۆشانی شارەزوور كەوتەوە
سووتانى دوكانهكانى بازاڕى میوهفرۆشانى شارهزوور | فۆتۆ: SNN
SNN – عەلی حەمە سەعید
بە هۆكارێكی نادیار ئەمڕۆ شهممه ئاگرێك له بازاڕی سەوزە و میوەفرۆشانی قەزای شارەزوور كهوتهوه، سەرۆكی شارەوانی شارەزووریش دهڵێت: “زیانێكى ماددى زۆر بهر بازاڕهكه كهوتووه”.
سالار ئەحمەد، سەرۆكی شارەوانی قەزای شارەزوور بە SNNی راگەیاند: “ئەمڕۆ بە هۆكارێكی نەزانراو ئاگر لە بازاڕی سەوزە و میوەفرۆشانی قەزای شارەزوور كەوتەوە، بەهۆیەوە دەیان دوكانی ناو بازاڕەكە سووتان و زیانی ماددی زۆریش بەر بازاڕەكە كەوت، بەڵام خۆشبەختانە هیچ زیانێكی گیانی لە ئەنجامی ئەو ئاگرە نەكەوتەوە”.
وتیشى: “دوابەدوای كەوتنەوەی ئاگرەكە تیمەكانی بەرگری شارستانی قەزای شارەزوور توانیان بگەنە شوێنی رووداوەكە، توانرا ئەو ئاگرە كۆنترۆڵ بكەن، هاوكات تا ئێستا هۆكاری كەوتنەوەی ئاگرەكە دیار نییە و دەست بە لێكۆڵینەوە كراوە بۆ ئەوەی هۆكاری كەوتنەوەی ئاگرەكە بزانرێت”.
ئهم رووداوه له كاتێكدایه كە ساڵی رابردوو بە هەمان شێوە ئاگر لە هەمان ئەو بازاڕە كەوتەوە و بەهۆیەوە دەیان دوكان سووتان.
