ئەمریکا سزای تۆڕێکی تاوانکاریی دەدات کە هەڕەشە ن بۆ سەر ئاسایشی لیبیا

SNN-

پێگەی رەسمیی وەزارەتی خەزێنەی ئەمریکا رایگەیاند “وەزارەتەکە سزای دارایی سەپاندووە بەسەر سێ کەس و یەک کۆمپانیادا کە لیبییە و بارەگاکەی لە ماڵتایە و هەڕەشەن بۆ سەر ئاسایشی لیبیا”.

وەزارەتی خەزێنەی ئەمریکا کۆمپانیای ویفاق-ی خستۆتە لیستی رەشی سزاکانەوە و سێ هاووڵاتی لیبیش بەهەمانشێوە سزاکە دەیانگرێتەوە، هاوکات کەشتییەکیش کە ناوی (میرایا)یە خراوەتە لیستەکەوە.

هەر بەپێی سزاکان نورەدین میسباح کە هاووڵاتییەکی لیبییە، سزاکەی ئەمریکا دەیگرێتەوە کە هاتووچۆی بەردەوامی هەیە لە نێوان قوبروس و تەرابلوس دا.

یەکێکی دیکە لەوانەی سزاکە دەیگرێتەوە، فەیسەڵ وادی-یە کە نیشتەجێی ماڵتایە و لەدایکبووی رۆژی 15ی دیسەمبەری ساڵی 1978ە.

کەسی سێیەمیش کە سزاکەی وەزارەتی خەزێنەی ئەمریکا دەیگرێتەوە، ناوی میسباح وادی-ە و دانیشتووی لیبیایە و رۆژی 12ی تەمموزی 1993 لەدایکبووە.