وەزارەتی کارەبای هەرێم: بە مەرج کارەبا دەدەینە بەغدا

SNN

وتەبێژی وەزارەتی كارەبا رایگەیاند: “بەو مەرجە كارەبا بۆ بەغدا دەنێرین كە كاریگەریی لەسەر كەمكردنەوەی كارەبای هەرێمی كوردستان نەبێت”.

ئومێد ئەحمەد وتەبێژی وەزارەتی کارەبای ھەرێمی کوردستان لە مەیجی فەرمی وەزارەتەکەوە رایگەیاند: حکوومەتی عێراق بەنیازە بڕە کارەبایەک لە ھەرێمی کوردستان و تورکیا بۆ شارەکانی خۆی رابکێشێت و لە ئەگەری ئەو کارە، مەرجی خۆمان دەبێت.

وتیشی: “نابێت ئەو کارەبا پێدانە ھیچ کاریگەریەکی لەسەر کەمکردنەوەی کارەبای نیشتمانی لە ھەرێمی کوردستان ھەبێت و بەغداش سووتەمەنی بۆ یەکە لەکارکەوتووەکانی کارەبای ھەرێمی کوردستان دابین بکات و کارەباکە لەو یەکانەوە ببات”.

باسی لەوەش کرد: “ھەرچەندە ئەو یەکانەی لەکارکەوتوون ھی وەبەرھێنەرانە، بەڵام ھەرکات بەغدا ئەو مەرجانەی جێبەجێکرد و حکومەتی ھەرێم رەزامەندبوو، ئەوکات رێگەی پێ دەدرێت”.

ئەمە لەکاتێکدایە پێشتر وەزارەتی کارەبای عێراق رایگەیاندبوو: “له ‌چه‌ند رۆژی داهاتوودا 200 مێگاوات كاره‌با لە تورکیاوە و 450 مێگاواتیش لە ڕێگه‌ی هێڵی خورمه‌ڵه‌- كه‌ركوك دەگەیەنرێتە بەغدای پایتەخت و پارێزگاکانی دیکەی باشووری عێراق”.