عێراق لە ریزی دواوەی ئەو وڵاتانەدایە کە ئازادی ئابوورییان هەیە

SNN

رێکخراوی (هێرتیج) ی ئەمریکی کە ئاستی ئازادی ئابووری وڵاتان دیاریدەکات، لە ریزبەندییەکی نوێیدا دەریخستووە عێراق 181هەمین وڵاتە لەرووی ئازادی ئابوورییەوە، ئەمەش لەکۆی 186 وڵات.

بە گوێرەی راپۆرتێکی رێکخراوەکە کە بۆ ئەمساڵ بڵاویکردووەتەوە، تەنیا پێنج وڵات لەرووی ئازادی ئابوورییەوە لە عێراق خراپترن کە ئەوانیش لیبیا، لیختنشتاین، سۆماڵ، سوریا و یەمەنن.

لە ریزبەندییەکەدا سەنگافورە لە پلەی یەکەمی ئەو وڵاتانەدا هاتووە کە لە ئازادی ئابوورییدا پێشەنگە و رێژەی 89.4%ی بۆ دانراوە، لەدوای ئەویش هەرێمی هۆنگ کۆنگ دێت کە رێژەی 89.1ی بۆ دیاریکراوە، نیوزلەنداش لە پلەی سێهەمدایە بە رێژەی 84.1%.

رێکخراوەکە یاساکانی خاوەندارێتی، دەستپاکی حکومەت، کراوەیی بازاڕەکان بۆ بازرگانیکردن و وەبەرهێنان بە پێوەرەکانی ئازادی ئابووری وڵات دادەنێت.