وەزیری دەرەوەی سعودیە: نیگەرانین لە باڵادەستیی حیزبوڵا

SNN-

وەزیری دەرەوەی سعودیە رایدەگەیەنێت “بەردەوامیی باڵادەستیی حیزبوڵا جێگەی نیگەرانیی هەموو لایەکە لە لوبنان و دەزانین ئەو تاقمە پێشینەیان هەیە لە بەکارهێنانی کەرەستەی سووتێنەر و تەقینەوەدا”.

فەیسەڵ بن فەرحان دەشڵێت: “پێویستە لێکۆڵینەوەیەکی شەفافانە و سەربەخۆ بکرێت بۆ ئاشکراکردنی هۆکاری تەقینەوەکانی لوبنان و بکەرەکان بدرێنە دادگا”.

وتیشی: “خەڵکی لوبنان مافی خۆیەتی لە ئارامیی و سەقامگیریدا بژی، دەبێت چاکسازی ریشەیی لەو وڵاتەدا بکرێت و بەرژەوەندی خەڵکی لوبنان بە هەند وەربگیرێت”.

کارگۆ کردنی بڕێکی زۆری نیتراتی ئامۆنیا بەشێوەیەکی خراپ لە ساڵی 2014ەوە لە بەندەری بەیروت بووەهۆی تەقینەوەی لە رۆژی سێشەممەی رابردوو، لە ئاکامدا 160 کەسی کوشت و 6 هەزار کەسی دیکەشی بریندار کرد، زیانە مادییەکانیشی بە 15 ملیار دۆلار مەزەندە دەکرێت.