سەرۆکوەزیرانی لوبنان: گەندەڵیی هۆکاری تەقینەوەکەی لوبنان بوو

SNN-

حەسان دیاب سەرۆکوەزیرانی دەستلەکارکێشاوەی لوبنان لە وتارێکیدا ئەمڕۆ دووشەممە رایگەیاند “وڵاتەکەی لە مەترسیدایە، دەشڵێت: “زیاتر لە 7 ساڵە کەلوپەلە تەقێنراوەکانی بەندەری بەیروت کارگۆ کراون”.

سەرۆکوەزیرانی لوبنان باسی ئەو رێگرییانەشی کرد کە هاتوونەتە رێی لەکاتی وەرگرتنی پۆستەکەیدا و وتی: “لایەنە سیاسییەکان بەربەست بوون لە نەهێشتنی گەندەڵیدا و بە تەنیا لە بەرەیەکدا بووە و ئەوانی تر هەموویان دژی حکومەتەکەی بوون”.

ئەوەشی خستەڕوو “لەمڕۆوە حکومەتەکەی دەستی لەکارکێشاوەتەوە و پێویستە ئەوانەی هۆکاری تەقینەوەکەی لوبنان بوون، لێکۆڵینەوەیان لەگەڵ بکرێت، هیوای سەرفرازیی بۆ خەڵکی وڵاتەکەی خواست”.

رۆژی سێشەممە 4ی ئەم مانگە، تەقینەوەیەک لە بەندەری بەیروت روویدا و بەهۆیەوە تاوەکو ئێستا 158 کەس گیانیان لەدەستداوە و زیاتر لە 5 هەزار کەسیش برینداربوون.