ئەنجامی تاقیكردنەوەكانی پۆلی 12ی ئامادەیی ڕادەگەیەندرێت
هۆڵی تاقیکردنەوەکان
SNN-عەلی حەمە سەعید
بەڕێوەبەرایەتی گشتی ئەزموونەكانی سەر بە وەزارەتی پەروەردەی حكومەتی هەرێم سەرجەم كاروبارەكانی تایبەت بە ڕاگەیاندنی ئەنجامی تاقكردنەوەكانی پۆلی 12 ئامادەیی بە هەموو بەشوكانییەوە تەواو كردووە و ئەگەڕ ئەمڕۆ ئەنجامەكان ڕانەگەیەندرێن ئەوا بەڵنیاییەوە لەم هەفتەی داهاتوودا ئەنجامەكان ڕادەگەیەندرێن.
بە گوێرەی ئەو زانیاریانەی لە بەڕێوەبەرایەتی ئەزموونەكانی سەر بە وەزارەتی پەروەردەوە بە SNN دراون ئەوەخراوەتەڕوو، دوابەدوای كۆتایی هاتنی تاقیكردنەوەكانی پۆلی 12ی ئامادەیی بە شەكانی وێژەیی و زانستی، لیژنەكانی تایبەت بە پێداچوونەوە بە دەفتەری تاقیكردنەوەكان كارەكانیان دەستپێكردووە و لە ئێستادا سەرجەم كاروبارەكان كۆتاییان هاتووە.
ئاماژەی بەوەشكرد، دیاری كردنی وادەیەك بۆ ڕاگەیاندنی ئەنجامەكان لە دەستەڵاتی وەزیری پەروەردەدایە بۆیە ئەمڕۆ وەزیری پەروەردە بەشدای كۆبوونەوەی ئەنجومەنی وەزیرانی كردووە و ئەگەر ئەمڕۆ فریابكەوین لەگەڵ وەزیری پەروەردە كۆدەبینەوە و وادەیەك بۆ ڕاگەیاندنی ئەنجامەكان دیاری دەكەین كە پێدەچێت ئەمڕۆ یان سبەی بێت، بۆیە بە دڵنیایی لە هەفتەی داهاتوو ئەنجامەكان ڕادەگەیەنین.
ئەو بەرپرسەی بەڕێوەبەرایەتی ئەزموونەكانی سەر بە وەزارەتی پەروەردە جەختی لەوەشكردەوە، لە ئێستادا ناتوانین وردەكاری چۆنییەتی قەرەبووكردنەوەی خوێندكاران باس بكەین كە بەهۆی هەڵەی پرسیاری تاقیكردنەوەكانەوە ڕوویداوە، ئەوەش لە كۆنگرەیەكی ڕۆژنامەوانیدا لەگەڵ ڕاگەیاندنی ئەنجامەكان بە وردی بۆ خوێندكاران دەخەینەڕوو، هەروەك دواتر شێوازی وەرگتنەوەی چۆنیەتی نمرەی خوێنكارانیش دەخەیەنە ڕوو.
