سەدان کۆچبەر لە دوورگەی لێسبۆس بۆ ناوخۆی یۆنان دەگوازرێنەوە
حکومەتی یۆنان سەدان کۆچبەر لە کەمپێکی کۆچبەران لە دوورگەی لێسبۆس دەگوازێتەوە بۆ ناوخۆی وڵاتەکەی، بە ئامانجی ئەوەی قەرەباڵغی کەمپێکی کۆچبەرانی ئەو دوورگەیە کەمبکاتەوە.
کۆچبەرانی یۆنان
حکومەتی یۆنان سەدان کۆچبەر لە کەمپێکی کۆچبەران لە دوورگەی لێسبۆس دەگوازێتەوە بۆ ناوخۆی وڵاتەکەی، بە ئامانجی ئەوەی قەرەباڵغی کەمپێکی کۆچبەرانی ئەو دوورگەیە کەمبکاتەوە.
ئاژانسی هەواڵی رۆیتەرز لە زاری پۆلیسی یۆنانەوە ئەوەی ئاشکراکردووە، “ئەمڕۆ پۆلیسی یۆنان 395 کۆچبەر لە کەمپی مۆریای دوورگەی لێسبۆسەوە بە کەشتی بۆ ناوخۆی یۆنان دەگوازێتەوە”.
وەزارەتی کۆچی یۆنان رایگەیاندووە، ئامانجیان ئەوەیە دوو هەزار و 400 کۆچبەر لە دوورگەکانی سەر بە یۆنانەوە بۆ ناوخۆی یۆنان بگوازنەوە.
ئەمەش لەکاتێکدایە، رێکخراوە مرۆییەکان هۆشدارییان دابوو لە مەترسی بڵاوبوونەوەی ڤایرۆسی کۆرۆنا لە کەمپە قەرەباڵغەکانی کۆچبەران و پێیانوایە ئەگەر پەتاکە لەناویاندا بڵاوبێتەوە بە ئاسانی کۆنتڕۆڵ ناکرێت.
