گەر حاڵەتی نوێ تۆمار نەکرا رۆژی 10ی مانگ دەرگای مزگەوتەکان دەکرێنەوە
مزگەوتی گەورەی سلێمانی
پارێزگاری سلێمانی رایدەگەیەنێت “ئەمڕۆ لیژنەی بەرەنگاربوونەوەی کۆرۆنا کۆبۆتەوە و پێشنیازی کردنەوەی چەند سێکتەرێکی دیکە کراوە لەسلێمانی بکرێنەوە”.
د. هەڤاڵ ئەبوبەکر بە SNNی وت: “دۆخی سلێمانی لەڕووی ڤایرۆسی کۆرۆناوە زۆر باشە، بۆیە پێویستە لەدوای 10ی مانگەوە چەند بەشێکی دیکەی ژیان لەسلێمانی ئاسایی بێتەوە”.
دەشڵێت: “ئەو شوێنانەی پێشنیاز کراوە بکرێنەوە، بڕیاری کردنەوەی مزگەوتەکانە کە یاداشتمان داوەتە ئەوقافی سلێمانی گەر تا رۆژی 10ی ئەم مانگە کۆرۆنا بڵاو نەبۆوە، دەتوانن بەپێی رێنماییەکان مزگەوتەکان بەڕووی خەڵکدا بکەنەوە”.
