هێزەکانی عێراق 31 کەسی سوورییان بە بڕێک تەقەمەنییەوە دەستگیرکرد
سنووری عێراق
SNN
وەزارەتی بەرگریی عێراق دەستگیرکردنی 31 کەسی بە رەچەڵەک سووری راگەیاند کە لە هەواڵی دزە کردندابوون بۆ ناو خاکی عێراق و ماددەی تەقەمەنییان پێبووە.
شانەی راگەیاندنی ئەمنیی سەربە وەزارەتی بەرگریی عیراق رایگەیاند، هێزە ئەمنییەکان 31 کەسی هەڵگری رەگەزنامەی سوورییان دەستگیرکردووە کە لە رێگەی سنوورەوە لە هەوڵی دزەکردندابوون بۆناو خاکی عێراق.
ئاماژە بەوەش دراوە: ئەو کەسانە لە شاری رەققەی باکووری سووریاوە هاتبوون و لە کاتی دەستگیرکردنیاندا دەستگیرکراوە بەسەر بڕێک تەقەمەنی و TNTدا.
لە راگەیەنراوەکەدا ئەوەش خراوەتەڕوو کە دەستگیرکراوەکان رەوانەی لایەنی پەیوەندیدارکراون بەمەبەستی لێکۆڵینەوە لەگەڵیاندا و رەوانەکردنی دۆسییەکانیان بۆ بەردەم دادوەر.
لە چەند مانگی رابردوودا، هێزە ئەمنییەکانی عێراق بەمەبەستی رێگەگرتن لە دزەکردنی چەکدارانی داعش لە سنووری سووریاوە بۆ ناو خاکی عێراق، هێڵی سنووری وڵاتەکەیان لەگەڵ سوویا توندوتوڵ کردووە.
