کارمەندێکی تەندروستی کیتی پشکنینی کۆرۆنا دەدزێت و لەتاقیگەکەی خۆی دەیفرۆشێتەوە
SNN
دەزگای ئاسایشی نیشتمانیی عێراق ئەمڕۆ شەممە رایگەیاند “فەرمانبەرێکی تەندروستییان دەستگیر کردووە لە نەخۆشخانەیەکی گشتیی کیتی پشکنینی کۆرۆنای بردووە و لە تەقیگە تایبەتەکەی خۆی فرۆشتوونی”.
بەیاننامەیەکی دەزگاکە باسی ئەوەی کردووە “دوای کۆکردنەوەی زانیاریی چڕ، هێزێکیان لە پاریزگای بابل خاوەن تاقیگەیەکیان دەستگیر کردووە کە کیتی پشکنینی کۆرۆنای فرۆشتووەتەوە بە هاووڵاتیيان”.
دەشڵێت: “دوای دەستگیرکردنی خاوەن تاقیگەکە، دەرکەوتووە کە کارمەندی تەندروستییە و لە تاقیگەی حکومیی یەکێک لە نەخۆشخانەکان کارمەندە”.
لەمیانی داننان بە تاوانەکەیدا تۆمەتبار رایگەیاندووە کە کیتەکانی لە کۆگای نەخۆشخانە دزیوە و لە تاقیگە تایبەتەکەی خۆی لە بازاڕی رەش گرانفرۆشی کردووە.
