ئێران دەست بە گەشتە ئاسمانییەکانی لەگەڵ هەرێمی کوردستان دەکاتەوە

SNN

کۆمپانیای هێڵی ئاسمانیی ماهان ئێر رایگەیاند: “دەست بە گەشتەکان دەکەنەوە بۆ پێنج فڕۆکەخانە لە عێراق، ئەوانیش هەولێر و سلێمانی و بەغدا و نەجەف و بەسرەن”.

کۆمپانیاکە راشیگەیاندووە “یەکێک لە مەرجە سەرەکییەکان بۆ گەشت هاوپێچکردنی دوایین پشکنینی کۆرۆنایە (PCR) لەلایەن سەرنشینانەوە کە پێویستە 48 کاتژمێر پێشتر کردبێتی”.

بەیاننامەی کۆمپانیاکە دەشڵێت: “گەشتیاران لەکاتی گەیشتنیان بۆ فڕۆکەخانەکانی بەغدا پشکنینی گەرمییان بۆ دەکرێت، هەر حاڵەتێکی گوماناویی هەبوو لەسەر خەرجیی گەشتیارەکە کەرەنتین دەکرێت”.

دەشڵێت: “هەر گەشتیارێک لە عێراقەوە دێتە ئێران پێویستە پشکنینی (PCR) نوێی پێبێت کە 92 کاتژمێر کەمتر تێپەڕ نەبووبێت بەسەریدا”.

رۆژی 1-8-2020 فڕۆکەخانەکانی هەولێر و سلێمانی بەڕووی گەشتیاراندا کرانەوە و داوایان لە گەشتیاران کرد لەکاتی چوون بۆ فڕۆکەخانە رێنماییەکانی خۆپارێزیی لە ڤایرۆسی کۆرۆنا جێبەجێبکەن.

هەردوو فڕۆکەخانەی نێودەوڵەتیی هەولێر و سلێمانی بە راگەیەنراو مەرجی گەشتکردنی گەشتیارانیان بڵاوکردەوە و رایانگەیاند “دەبێت پشکنینی جۆری (PCR) بکرێت”.