ئێران: 13 رێککەوتنمان بۆ پاراستنی بەرهەمی نەوت واژووکردووە

SNN

وەزیری نەوتی ئێران رایگەیاند: ” 13 رێککەوتنی نوێمان لەگەل کۆمپانیا ناوخۆییەکانی بەرهەمهێنەری نەوت واژووکردووە بۆ هێشتنەوەی ئاستی بەرهەمهێنانی نەوت و زیادکردنی”.

بیژان زەنگەنە، ئەمڕۆ رایگەیاند: ئێران لەگەڵ 14 کۆمپانیای ناوخۆیی بەرهەمهێنەری نەوت رێککەوتووە بۆ هێشتنەوەی ئاستی بەرهەمی نەوت و زیادکردنی بڕی بەرهەمهێنانیش.

لە درێژەی قسەکانیدا زەنگەنە باسی لەوەشکرد: رێکخراوی ئۆپێک لە جێگیرکردنی بازاڕی نەوت و نرخەکەیدا سەرکەوتووبووە.

وتیشی: پێشوازی لە کارەکانی هەر کۆمپانیایەکی بیانی دەکەین بۆ پەرەسەندنی کەرتی نەوت جگە لە کۆمپانیا ئیسرائیلییەکان، بەڵام بەبێ هاوکاری کۆمپانیا بیانییەکانیش بەرهەممان بەردەوام دەبێت.