دوکاندارانی هەولێر گردبوونەوە
وێنە: SNN
SNN-مەودا مستەفا
ژمارەیەک لە دووکاندارانی بازاڕی داونتاون لە شاری هەولێر گردبوونەوە و داوای کەمکردنەوەی کرێیان کرد.
دلێر عەلی یەکێکە لە کاسبکارانی دووکانەکە بە SNNی راگەیاند: ئەمڕۆ هاتووین داوا لەلایەنە پەیوەندیدارەکان بکەین کە چیترتوانای پێدانی ئەو کرێ زۆرەمان نەماوە و لەهەمان کاتیشدا ئیش و کاریشمان نەماوە خاوەن، پرۆژەی بازاری داونتاونیش دەیەوێت هێشتا کرێی دووکانەکان زیاد بکات.
وتیشی: لێرەوە مۆڵەتی پێنج ڕۆژ دەدەینە سەرۆکی حکومەت و پارێزگاری هەولێر و قایمقامی هەولێر بۆ ئەوەی کێشەکانمان بۆ چارەسەربکەن، ئەگەر چارەسەر نەکرێت ئەوە دیسان خۆپیشاندان و گردبوونەوە ئەنجامدەدەین .
ئەم گردبوونەوەیە لەکاتێکدایە دوێنی هێزە ئەمنییەکان رێگایان نەدا گردبوونەوە ئەنجامبدرێت بۆیە ئەمڕۆ جارێکی تر هاتونەتە سەرشەقام و داواکارییەکی خۆیان خستەڕوو.
