وردەکاری ژەهرخوارکردنی نەیارە سەرسەختەکەی ڤلادیمێر پوتین

SNN

کیرا یارمیش وتەبێژی ئەلێکسی ناڤالنی لە تویتەری خۆی نوسیویەتی: “بەھۆی ژەهراوی بوونی ئەلێکسی ناڤالنی لەناکاو ئەو فڕۆکەیەی ناڤالنی تێدابوو لە فڕۆکەخانەی ئۆمسکی روسیای فێدرال نیشتووەتەوە”.

ئەلێکسی ناڤالنی بلاگەر نەیاری سەرسەختی پوتینەو ئێستا بێھۆشە، سەرلەبەیانی 20 ئاب، ھەواڵی نیشتنەوەی لەناکاوی فڕۆکەیەک لە شاری ئومسکی رووسیای فێدرالڵ میدیاکانی رووسیای تەنیووە و وتەبێژەكەشی دەڵێ “ژەھرخوارد كراوە”.

یارمیش، ئەوەی بۆ میدیاکانی رووسیا راگەیاند: “بلاگەر لە رێگای چای گەرمەوە ژەھرخوارد کراوە”.

وتەبێژەکە دەڵێت: “ناڤالنی تەنها بەیانی چای خواردووەتەوە”.

ئەوەشی خستووەتەڕوو، پزیشکەکان دەڵێن ژەهرەکە خێراتر لە شلەی گەرمدا هەڵمژراوە.

ساڵێک لەمەوبەر کاتێک ئەلێکسی ناڤالنی لە بنکەی دەستبەسەرکردندا دانیشتبوو، ژەهراوی بوو، بە ئاشکرا ئێستا هەمان کاریان لەگەڵ کردووە وتەبێژەکە ئاماژەی بەوەداوە، ناڤالنی ئێستا بێهۆشە.

نەخۆشخانەی ئۆمسک بۆ فریاکەوتنی پزیشکی، ھەواڵی نەخۆشکەوتنی ناڤالنی پشتڕاست کردەوە و دەڵێن ئێستا لەژێر چاودێری چڕ دایە.

ئەلێکسی ناڤالنی، لە دایکبووی 1976 رەخنەگر و نەیارێکی سەرسەختی ڤلادیمێر پوتینی سەرۆکی رووسیایە.