دوو زریانی گەورە هەڕەشە دەکەن.. ئەمریکا لە چاوەڕوانیی دیاردەیەکی کەشناسیی دەگمەندایە

SNN

دوو زریانی خولگەیی بەرەو کەناراوەکانی مەکسیک دێن لە ویلایەتە یەکگرتووەکانی ئەمریکا و بەپێی پێشبینی زانایان رەنگە بۆ رۆژی دووشەممە بگؤڕێن بۆ گەردەلوولێکی گەورە.

دوو زریانەکە لە یەک کاتدا لە یەک ناوچە دەدەن کە ئەوەش رووداو و پێشهاتێکی دەگمەنە روو بدات و پەکخستنێکی گەورەی ژیانی لێدەکەوێتەوە.

بنکەی نیشتمانیی بۆ پرسی زریانەکان دەڵێت: “کەنەراوەکانی مەکسیک پێشتر بە هیچ شێوەیەک دوو زریانی لە یەک کاتدا بەخۆوە نەبینیوە”.

دەشڵێت: “رووداوەکە لەیەکچوونێکی هەیە لەگەڵ ئەوەی ساڵی 1933دا کاتێک دوو زریان و باووبۆرانی گەورە باشووری ویلایەتی تەکساس و فلۆریداشی گرتەوە”.

بنکەکە رایگەیاندووە “گەردەلوولە خولگەییەکە کە ناوی (لورا)یە لەگەڵ نزمە پاڵەپەستۆیەکی خولگەیی دیکە پێکەوە یەکدەگرن و لەشێوەی زریانێکدا رۆژی دووشەممە لە هەریەک لە تەکساس و فلۆریدا دەدەن”.

شارەزایان دەڵێن “قورسە پێشبینی زیانەکانی ئەو زریانە بکرێت، بەڵام رەنگە دیاردەیەکی کەشناسیی دەگمەن روو بدات بە ناوی (کاریگەریی فوجیهارا) و لە رووگەیەکدا کە 1500 کم مەوداکەیەتی، یەکبگرن”.