ژنە پارێزەرێکی ناوداری ئێران لە گرتووخانەکاندا دۆخی خراپە

SNN-

مانگرتنی ژنە پارێزەرێکی ئێرانی لە بەندیخانە پێی ناوەتە 14یەمین رۆژیەوە و بەوهۆیەشەوە باری تەندروستیی تەواو تێکچووە.

محەمەد موقیمی پارێزەری نەسرین ستودە کە چالاکوانێکی مافەکانی مرۆڤیشە، دەڵێت: “نەسرین 14 رۆژە نان و ئاوی نەخواردووە و کێشی لەشی بەتەواویی کەمیکردووە و فشاری خوێنی دابەزیوە و رێژەی شەکرەکەشیی بووە بە 44“.

بۆ ئەوەی ناچاری بکەن بە دانپێدانان، دەسەڵاتدارانی ئێران سکاڵایان لەسەر میهراوە خەندان تۆمار کردووە کە کچی ستودەیە و دەیانەوێت پەلکێشی بەندیخانەی بکەن.

نەسرین ستودە لە رۆژی 11ی ئەم مانگەوە مانی لە خواردن و خواردنەوە گرتووە و ناڕازییە لە دۆخی زیندانیان کە لەدۆخی ئێستای کۆرۆنادا ژیانییان لە مەترسیدایە.

ئەو ژنە پارێزەرە مانگی حوزیرانی ساڵی 2018 لە ناو ماڵەکەی خۆیدا دەستگیر کرا و لە گرتووخانەی ئیڤینی بەدناو بەندە بە تۆمەتی پڕوپاگەندە دژی رژێم و ئیهانەی مورشید و کاری سیخوڕیی.