لۆگۆى حكومهتى ههرێمى كوردستان
بە گوێرەی فەرمانێكی وزاری وەزارەتی کار و كاروباری كۆمەڵایەتی 10ی ئایار دەوامی فەرمی لە فەرمانگەکانی هەرێمی کوردستان دەستپێدەکاتەوە.
سالار فەتاح، بەڕێوەبەری گشتی چاودێری و گەشەپێدانی كۆمەڵایەتی هەڵەبجە بە SNNی ڕاگەیاند: بە گوێرەی نوسراوێك كە ئەمڕۆ 6ی ئایار، ئاراستەمان كراوە بە مەبەستی دەستپێكردنەوەی دەوامی تەواوی فەرمانگەكانی سەر بە بەڕێوەبەرایەتییە گشتیەكانی چاودێری و گەشەپێدانی كۆمەڵایەتی و بەڕێوەبەرایەتی گشتی چاكسازی، لەسەرەتادا ڕۆژانی شەممە و پێنج شەممە كراوە بە پشوو.
ئاماژەی بەوەشكرد، بە گوێرەی نوسراوەكە دەوام لە ڕۆژی یەك شەممە تا ڕۆژی چوار شەممە لە كاتژمێر نۆی بەیانی تا 11 ی نیوەڕۆ دەبێت، هاوكات ستافی فەرمانبەرانیش بە شێوەی یەك لەسەر سێ دەوام دەكەن بۆ ئەو مەبەستەش دەبێت بەڕێوەبەرەكان دەوامی فەرمانبەران ڕێكبخەن.
ئەو بەڕێوەبەرە گشتییە ئەوەشی خستەڕوو، بە گوێرەی زانیارییەكانمان ئەو نوسراوەی ئاراستەی ئێمە كراوە بە هەمان شێوە وەزارەتەكانی دیكەش ئاراستەی بەڕێوەبەرایەتییە گشتیەكانی خۆیان كردووە بۆ دەستپێكردنەوەی دەوام لە ڕۆژی 10ی ئایاردا.
ئەمە لەکاتێکدایە نزیکەی دوو مانگە بەهۆی بڵاوبوونەوەی کۆرۆناوە دەوامی فەرمانبەرەکان راگیران.
