رۆژنامەیەکی ئەمریکی: ئابووری تورکیا لە لیواری داڕوخاندایە

SNN

رۆژنامەی نیویۆرک تایمزی ئەمریکی لە راپۆرتێکدا ئاشکرایکردووە بەهۆی بەردەوامی دابەزینی بەهای لیرە بەرامبەر دۆلار و دراوە جیهانییەکان و کاریگەری ڤایرۆسی کۆرۆنا و نیگەرانی وەبەرهێنانی دەرەکی لەو وڵاتە ئابووری تورکیای نزیک کردووەتەوە لە داتەپین.

رۆژنامەکە ئاماژە بەوەدەکات، بەهۆی ڕێکاری حکومەتی تورکیا لە نەکەوتنی بەهای لیرە کاری وەبەرهێنەرە دەرەکییەکان قورس بووە و ئەوەش نیگەرانی ئەوانی لە دۆخی ئابووری وڵاتەکە زیاتر کردووە.

ئاماژە بەوەشدەکات: ئەگەر وەبەرهێنەران دەست بە کشانەوە بکەن لە تورکیا ئەوە بۆ خۆی ئاستەنگێکی دیکەی ئابووری لە وڵاتەکە درووست دەکات.

نیویۆرک تایمز دەڵێت نرخی كاڵای ھاوردە وەك دەرمان و بەنزین لە تورکیا بەرزبوونەتەوە و وەبەرھێنەری بیانیش لەو وڵاتە نیگەرانی خۆیان لە خراپی بارودۆخەکە دەربڕیوە، بە تایبەت كە رەجەب تەیب ئەردۆغان ھەوڵەكانی بۆ بەرزكردنەوەی لیرە و پاڵپشتی گەشەی ئابووری وڵاتەكە زیادكرد، كە ئەوەش كاریگەری بەرچاوی لەسەر كاری ئەوان دروستكرد.