پەرلەمانتارێک: عێراق رێککەوتنی نەوتی لەگەڵ چین وەستاندووە
نەوتی عێراق
SNN
ئەندامێکی ئەنجومەنی نوێنەرانی عێراق ئاشکرایدەکات، عێراق رێککەوتنێکی نەوتی لەگەڵ چین راگرتووە بەهۆی ئەو قەیرانە داراییەی کە رووبەڕووی بووەتەوە.
عەلی سەعدون ئەندامی لیژنەی ئابووری و وەبەرهێنان لە ئەنجومەنی نوێنەرانی عێراق بە میدیایەکی وڵاتەکەی راگەیاندووە: “عێراق بە فەرمی رێککەوتنەکەی لەگەڵ چین هەڵنەوەشاندووەتەوە بەڵام جێبەجێکردنی ئەو گرێبەستەی راگرتووە و یەک ملیار دۆلاری لە سندوقی هاوبەشی خۆی لەگەڵ چین کشاندووەتەوە”.
ئەو پەرلەمانتارە وتووشیەتی، رێککەوتنە نەوتییەکەی عێراق لەگەڵ چین سوودێکی زۆری بۆ ئابووری عێراق هەیە و ژمارەیەکی زۆر لە کۆمپانیاکانی چین بۆ کاری وەبەرهێنان دەهێنێتە عێراق.
ئەوەشی راگەیاندووە: “لەلای ئێمە روونە کە راگرتنی رێککەوتنەکە لەژێر فشاری ئەمریکادا بووە”.
رێککەوتنی نەوتی نێوان عێراق و چین لە ناوەڕاستی ساڵی 2019 واژووکرا، کە پێکهاتووە لە چەندین پڕۆژەی بیناسازی لە عێراق لە بەرامبەر هەناردەکردنی سێ بەرمیل نەوتی عێراق مانگانە بۆ چین.
