540 تووشبووی نوێی کۆرۆنا لە هەرێم تۆمارکران و 17 کەسیش گیانیانلەدەستدا

SNN

کەمێک لەمەوبەر وەزارەتى تەندروستیى حکومەتى هەرێمى کوردستان ئامارى رۆژانەى تووشبوون بە ڤایرۆسى کۆرۆناى بڵاوکردەوە و رایگەیاند: 540 حاڵەتى نوێى تووشبوون دەستنیشانکراون، 17 تووشبوو بە ڤایرۆسەکە گیانیان لەدەستداوە و 293 تووشبوو چاکبوونەتەوە.

ئەمڕۆ شەممە وەزارەتى تەندروستيى هەرێم ئامارى 24 کاتژمێرى رابردووى بڵاوکردەوە کە تێیدا هاتووە، “540 حاڵەتى نوێى تووشبوون دەستنیشانکراون بەمشێوەیە: 138 لە هەولێر، 115 لە سلێمانی، 32 لە گەرمیان، 241 لە دهۆک، 13 لە هەڵەبجە”.

بەپێى ئامارەکەى وەزارەتى تەندروستى، ” 293 تووشبوو چاکبوونەتەوە بەمشێوەیە: 217 لە هەولێر، 18 لە سلێمانی، 42 لە گەرمیان، 16 لە هەڵەبجە”.

لەبارەى مردنەوە لە ئامارەکەدا هاتووە، “17 تووشبوو بە ڤایرۆسەکە گیانیان لەدەستداوە بەمشێوەیە: 14 لە هەولێر، 1 لە سلێمانی و 2 لە دهۆک”.

بەپێى ئامارە گشتییەکانى وەزارەتى تەندروستى لە سەرەتاى بڵاوبوونەوەى ڤایرۆسەکەوە تاوەکو ئێستا 28 هەزار و 161 کەس تووشى کۆرۆنا بوون، 17 هەزار و 679 تووشبوو چاکبوونەتەوە و هەزار و 49 تووشبوو گیانیان لەدەستداوە.