رووسیا و تورکیا یەکەم مەشقی سەربازیی هاوبەشیان لە سوریا ئەنجامدا
وێنەی مانۆڕەکە فۆتۆ: رۆیتەرز
SNN
وەزارەتی بەرگريی رووسیا رایگەیاند: سوپای وڵاتەکەی لەگەڵ هاوتا تورکەکەی، پێکەوە مانۆڕێکی سەربازییان ئەنجامداوە لەسەر چۆنیەتى رووبەڕووبوونەوەی گرووپە چەکدارەکان”.
لیوا ئەلیکساندەر گرینیفیکچ، بەڕێوەبەری کامپی حمێمیم رایگەیاند: “ئەمڕۆ دووشەممە لە پارێزگای ئیدلب لەگەڵ سوپای تورکیا یەکەم ئۆپراسیۆنی سەربازییان ئەنجامداوە و پۆلیسی سەربازی رووسیا بەشدار بووە لە مەشقەکەدا”.
وتیشی: “راهێنانە سەربازییەکە خۆی لە بە ئامانجگرتنی گروپە تێرۆریستییەکان و گواستنەوەی کەلوپەلی زیان پێگەیشتوو بەهاناوەچوونی تەندروستی دەبینییەوە”.
راشیگەیاندووە: “ئامانج لە ئەنجامدانی ئەو مانۆڕە پتەوکردنی لایەنی ئەمنیی مەفرەزە گەڕۆکە هاوبەشەکانی رووسیا و تورکیایە لەسەر رێگەی نێودەوڵەتیی ئێم 4”.
