ئەنجوومەنی وەزیرانی هەرێم بڕیار لەسەر دەستپێکردنەوە یان دواخستنی پرۆسەی خوێندن دەدات

SNN

ئەمڕۆ حکومەتی هەرێمی هەرێمی کوردستان پرسی دەستپێکردنەوەی پڕۆسەی خوێندن تاوتوێدەکات و پێشنیا رەکان بۆ ئەو پرسە هەڵدەسەنگێنێت.

وتەبێژی حکومەتی هەرێم لەمبارەیەوە دەڵێت: “تەوەری کۆوونەوەکە بابەتی دەستپێکی (ساڵی خوێندنی نوێی 2020 – 2021) لە سەرجەم ناوەندەکانی خوێندن و خوێندنی باڵا و گفتوگۆکردنی ئەگەر و پێشنیارەکان دەبێت”.

دەقی راگەیەنراوەکە:

بە سەرۆکایەتی مەسرور بارزانی و بە ئامادەبوونی قوباد تاڵەبانی کۆبوونەوەی ئاسایی ئەنجوومەنی وەزیران ژمارە 38 رۆژی چوارشەممە 2ی 9ى 2020 کاتژمێر 10.30ی خولەکی پێشنیوەڕۆ بە شێوازی ڤیدیۆکۆنفرانس ئەنجامدەدرێت.

کارنامەی کۆبوونەوەکەش تایبەت دەبێت بە خستنەڕووی بابەتی دەستپێکی (ساڵی خوێندنی نوێی 2020 – 2021) لە سەرجەم ناوەندەکانی خوێندن و خوێندنی باڵا و گفتوگۆکردنی ئەگەر و پێشنیارەکان.