ههرێمى كوردستان ژمارهیهكى پێوانهی نوێى له تووشبوون به كۆرۆنا تۆماركرد
نهخۆشخانهى (شههید تاهیر عهلى والى بهگ) تایبهت به كۆرۆنا له سلێمانى | فۆتۆ: SNN
SNN
كهمێك لهمهوبهر وهزارهتى تهندروستیی ههرێمى كوردستان ئامارى 24 كاتژمێرى رابردووى تووشبوون به ڤایرۆسى كۆرۆناى بڵاوكردهوه و رایگهیاند: 609 حاڵهتى نوێى تووشبوون دهستنیشانكراون، 32 تووشبوو گیانیان لهدهستداوه و 409 تووشبوو چاكبوونهتهوه.
له راگهیهنراوێكدا كه كهمێك لهمهوبهر بڵاوكراوهتهوه وهزارهتى تهندروستى حكومهتى ههرێم ئاشكرایكردووه، “له ماوهى شهو و رۆژى رابردوودا 609 حاڵهتى نوێى تووشبوون له كۆى 4 ههزار و 698 پشكنین تۆماركراون، بهمشێوهیه: 267 له هەولێر، 89 له سلێمانی، 21 له گەرمیان، 204 له دهۆك، 28 له هەڵەبجە”.
وهزارهتى تهندروستى لهبارهى حاڵهتهكانى گیان لهدهستدان به ڤایرۆسهكه ئهوهشى خستووهتهڕوو، ” 32 تووشبوو گیانیان لهدهستداوه بهمشێوهیه: نۆ له هەولێر، چوار له سلێمانی، یهك له گەرمیان، یهك له ڕاپەڕین، ههشت له دهۆك”.
بهپێى ئاماره رۆژانهكهى وهزارهتى تهندروستى، “ئهمڕۆ 409 تووشبوو چاكبوونهتهوه بهمشێوهیه: 228 له هەولێر، 27 له سلێمانی، 29 له گەرمیان، 103 له دهۆك و 22 له هەڵەبجە”.
بهپێى ئامارهكانى وهزارهتى تهندروستيى ههرێمى كوردستان، له سهرهتاى بڵاوبوونهوهى ڤایرۆسى كۆرۆنا تاوهكو ئێستا 30 ههزار و 535 كهس تووشى ڤایرۆسهكه بوون، 19 ههزار و 378 تووشبوو چاكبوونهتهوه، ههزار و 148 تووشبوو گیانیان لهدهستداوه، له ئێستاشدا 10 ههزار و 9 كهس لهژێر چاودێرى پزیشكیدان.
