سانۆفی فەڕەنسی ئامادەیە ڤاکسینی کۆرۆنا بە 11 دۆلار بفرۆشێت

SNN

بەڕێوەبەری جێبەجێکاری کۆمپانیای فەڕەنسی (سانۆفی) بۆ بەرهەمهێنای دەرمان، رایگەیاند: کە کۆمپانیاکەیان ئێستا لە پەرەپێدانی ڤاکسینێکی گرنگدایە بۆ ڤایرۆسی کۆرۆنا بەناوی Glaxo Smith Kline، لە کاتی بەردەستبوونیدا نرخەکەی تەنیا 11 دۆلار دەبێت.

مارت وتش رایگەیاند: لەکاتی بەردەستبوونی ڤاکسینەکەمان بە نرخێکی گونجاو پێشکەشی دەکەین بۆ ئەوەی هەموو کەسێک و هەموو وڵاتێک بتوانن لێی سوودمەندبن، هەروەها دەبێت ڤاکسینەکە بە تەواوی تاقیکردنەوە سەلاماتییەکاندا دەربچێت تا دواجار لەسەر مرۆڤ بەکاری دەهێنین.

لە شوباتی ئەمساڵدا کۆمپانیای سانۆفی فەڕەنسی ئاماژەی بەوەکرد کە دەستیان کردووە بە گەڕانوو توێژینەوە بۆ دۆزینەوە ڤاکسینی کۆرۆنا لەژێر ناوی Glaxo Smith Kline، دوای بڵاوبووەی ئەم هەوڵە پشکی کۆمپانیای ناوبراو بە رێژەی %2.5 بەرزبووەوە .