بەهۆی بۆردومانی تورکیاوە ئاگر لە دوو گوندی دهۆک کەوتووەتەوە
دیمەنی فڕۆکەیەکی تورکی بە ئاسمانی قەندیلەوە، وێنە: میدیای تورکیا
SNN
ئەمشەو فڕۆکە جەنگییەکانی سوپای تورکیا چوار جار دوو گوندی سنووری ناحیەی باتیفای سەربە قەزای زاخۆیان لە پارێزگای دھۆک بۆردومان كرد.
فڕۆکە جەنگیەکانی سوپای تورکیا گوندی کەشان و رویسێ سەربە ناحیەی باتیفایان لە قەزای زاخۆ بە سه‌ختی بۆردومان كردووە.
بەپێی زانیارییەکانی SNN، بەھۆی ئەو بۆردومانەی فڕۆکەکانی تورکیاوە ئاگر له گوندی کەشانێ كه‌وتوه‌ته‌وه و زیانی بە رەز و باخی ھاووڵاتییان گەیاندوە.
فڕۆکەکانی تورکیا بە بیانووی بوونی گەریلاکانی پەکەکە چەندین ساڵە بۆردومانی ناوچە سنوورییەکان دەکەن، بۆردومانەکان زیانی گیانی و ماڵی بەر هاووڵاتییان گەیاندووە.
